Աղավնիճ կնճռոտ - Вербена морщинистая - Verbena Venoza

Աղավնիճները, որոնք պատկանում են աղավնիճազգիների ընտանիքին, բազմամյա սողացող բույսեր են, սակայն մշակվում են որպես միամյաներ: Կնճռոտ ընձյուղները ուղղաձիգ են` մինչև 30 սմ բարձրությամբ: Հունիսից մինչև հոկտեմբեր ամիսները առատորեն ծաղկում է կապտամանուշակագույն, թեթևակի բուրումնավետ, հովանոցանման գեղեցիկ ծաղիկներով: Աղավնիճների բազմաթիվ տեսակներից ամենահարմարն է ծաղկային ձևավորումների համար: Առաջացել է Հարավային Ամերիկայում, լայնորեն տարածված է  Պերուում և Բրազիլիայում: 

Մեր պայմաններում  աղավնիճի սերմերը ցանում են մարտի սկզբներին` ջերմատանը: Ծիլերը երևում են 14-20 օր հետո: Երբ արդեն կազմավորվում են սերմնաբույսերի երկու իսկական տերևները, դրանք վերատնկում են ծաղկամաններում կամ տորֆահումուսային թաղարներում և պահում ջերմոցներում: Մայիսի սկզբներին բույսերը թաղարներով տնկում են բաց գրունտում` մեկը մյուսից 30-40 սմ հեռավորության վրա: Կարելի է բազմացնել նաև հուլիսին`մթերված ցողունային կտրոններով, որոնք  արմատակալեցնում են ջերմատանը, ապակու տակ, 5-100 ջերմաստիճանի պայմաններում:

Աղավնիճ կնճռոտ - Вербена морщинистая - Verbena Venoza

Աղավնիճը լավ է աճում բաց, արևոտ վայրերում: Հողի նկատմամբ պահանջկոտ չէ, սակայն գերադասում է խոնավ, պարարտացրած հողերը: Ջերմասեր է և շոգեդիմացկուն: Բավականին լավ է դիմանում քաղաքների յուրահատուկ պայմաններին: Խորհուրդ է տրվում լայնորեն օգտագործել ծաղկային բոլոր տիպի ձևավորումներում:  

Հարցեր, պատասխաններ, մեկնաբանություններ